Претседателот на најголемата македонска политичка партија ВМРО-ДПМНЕ, Христијан Мицкоски со телефонско вклучување во вестите на Сител телевизија, истакна дека останува во самоизолација иако тестот за Ковид 19 му е негативен.

Мицкоски рече дека веќе месец дена е одвоен од семејството и дека нема никаков физички контакт со ниту еден член од своето семејство.

-Направив тест, резултатите од тој тест се негативни, она што ми беше препорачано иако резултатите се негативни е да останам во самоизолација, вели Мицкоски за Сител.

Почитувани сограѓани, поврзано со информациите кои произлегоа за мојата здравствена состојба сакам да информирам дека до овој момент сум во одлична здравствена и физичка кондиција.

Во текот на вчерашниот ден, по добивање на информацијата дека е нарушено здравјето на новинарот со кој имав интервју точно пред една недела и истото се поврзува со пандемијата, направив тест чии резултати се негативни. Но, ќе ги почитувам препораките на здравствените лица и во наредниот период од неколку дена ќе останам во изолација. Се надевам на брзо закрепнување на новинарот и негово брзо враќање на работното место.