Го препознавате младиот херој кој со сите сили се бореше со брановите на Охридското Езеро, само за да ја подигне свеста за лицата со ретки болести.

Станува збор за Марко Пејчиновски кој годинава си постави цел, да преплива 64 км долж Охридското езеро. Поради болка во нозете, Марко не можеше да издржи и по препливани 12 километри мораше да се откаже. Но 13-годишниот Марко е вистински херој на кого цела Македонија се восхитува. Тој имаше голема поддршка од цела држава воодушевувањето за неговиот подвиг беше на сите социјални мрежи. Корисниците на мрежите со позитивни коментари некои од нив напишаа дека Марко е нивниот херој. Веста за неговиот подвиг беше топ тема на сите медиуми.

Телевизија Алфа поради неговата исклучителна сила одучи да го номинира Марко Пејчиновски за „Светската награда за млад хуманист“, а членовите на интернационалното жири едногласно одлучија ова признание да му биде доделено нему.

„Исклучителната сила на неговиот карактер, неговата моќ да ја сподели љубовта со сие што страдаат, беше основната причина на нашата определба да му го доделиме ова високо меѓународно признание. Неговата воља  за победа над ретките болести и хендикепот на тие што се вклучени во битката за здравје, е исклучителна чест што треба да биде признаена во македонското општество, и нашето Интернационално жири се приклучува во тој голем морален чин. Доделувајќи му го ова признание, Интернационалното жири на „Светската награда за млад хуманист“ го одбележува и со специјалната назнака дека Марко Пејчиновски е всушност интернационална млада надеж за 2020 година.“

Неговиот успех е уште позначаен ако се знае дека има доживеано инфаркт на коска на долните екстремитети, но и покрај тоа, лани го исплива маратонот од Св. Наум до Охрид и стана најмладиот пливач со таков успех.