Од Министерството за труд и социјална политика соопштуваат дека празникот Успение на Пресвета Богородица (Голема Богородица) кој е во среда на 28 август ќе биде неработен ден за граѓаните од православна верисповед во Македонија,

Ваквата одлука ја соопшти денеска Министерството за труд и социјална политика и во исто време им го честита празникот на граѓаните од православна верисповед во државава.

Голема Богородица е дел од празниците што се неработни денови согласно со Законот за празниците.

Инаку Успение на Пресвета Богородица или Голема Богородица е голем и значаен христијански празник кај православните, католиците и протестантите, посветен на смртта на Марија, мајката на Исус Христос. Христијаните веруваат дека, како и Исус, и Богородица по смртта воскреснала и заминала на небото, како со душата така и со телото. Оттаму и називот успение, што значи искачување.

Овој ден се празнува на 15 август по новиот календар, или 28 август по стариот календар.