Професорката Мирјана Најчевска удри жестоко на социјалните мрежи по поранешниот премиер на Република Македонија и му порача дека на место на телевизија тој треба да биде во затвор.

Најчевска на Фејсбук профилот напиша статус во кој на поранешниот премиер на Република Македонија Владо Бучковски, му порача дека местото му е во затвор а не на телевизија. Тој вчера одржа дебата на телевизија 24 заедно со пратеникот на ВМРО ДПМНЕ, Антонио Милошоски. 

Зошто е Бучковски на телевизија наместо да биде во затвор?
Што стана со неговиот криминал?
Што стана со пресудата?
Зо што го претставуваат како поранешен премиер, а не како денешен осуден за криминал од големи размери?
Нешто сум пропуштила?

Владо Бучковски е поранешен премиер на Република Македонија и поранешен претседател на СДСМ. Бучковски по професија е правник и професор по римско право на правниот факултет во Скопје.

Под негово водство коалицијата За Македонија заедно, предводена од СДСМ, доживува пораз на парламентарните избори во 2006 година. По изборниот пораз од Бучковски беше побарано да поднесе оставка на функцијата претседател на СДСМ, но тој тоа го одбива. Сепак, на конференцијата на партијата одржана на 7 октомври на Бучковски му е изгласана недоверба и тој беше принуден да се повлече од претседателското место во СДСМ.

На 1 август 2007 година против Бучковски е поднесена кривична пријава поради злоупотреба на службената должност и нанасена три милиони евра штета на касата на Министерството за одбрана, извршени во 2001 година кога Бучковски беше министер за одбрана.

Пресудата е донесена на 9 декември 2008 после 13 месечен судски процес во кој е осуден на 3,5 години затворска казна. Во декември 2012 година тој е исклучен од редовите на СДСМ.