Се уште не стивнува епидемијата од морбили. И натаму голем број на новозаболени. Доктор Жарко Караџовски од Институтот за јавно здравје, член на Комисијата за заразни болести во рамки на Министерството за здравство, денеска информираше за актуелната состојба со морбили во државата.
– Заклучно со денешниот ден се регистрирани вкупно 105 нови случаи на морбили, од кои 49 во Скопје, а 56 во другите градови низ државата. Вкупно досега со ова заболување се регистрирани 1.625 пациенти. Ова е најголема бројка на заболени од морбили во последните 25 години, посочи д-р Караџовски.
Ккао што информираше Караџовски од најновите 105 случаи 77,1% се невакцинирани лица, вакцинирани само со една доза или лица за кои воопшто нема податок за вакцинален статус.
– Досега вкупно 27.000 лица се вакцинирани од почетокот на епидемијата, меѓутоа уште 15.600 лица се подложни на вакцинација, чувствителни на вирусот, а досега не се вакцинирани. Токму затоа, како епидемиолог, апелирам да се продолжи со вакцинацијата, истакна д-р Караџовски.
Инаку, од медицинскиот персонал досега се вакцинирани вкупно 1.246 здравствени работници.
Инаку беше прогласена епидемија на ниво на целата држава, а донесена беше мерка за заштита од морбилите. Децата нема да можат да посетуваат училиште ниту градинка доколку не ја имаат примено вакцината, а се намали и возрасната граница, наместо на 12 сега вакцината може да се прима на 6 месеци.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.