Во силен оган што почна синоќа околу 23 часот, исчезнаа дуќаните и тезгите на стотина струмичани, а неколку стотици останаа без својата егзистенција.

Струмичките пожарникари се на терен повеќе од 15 часа, дежураат на местото на пожарот и ги санираат потенцијалните жаришта!

Првичните неофицијални информации се дека пожарот тргнал од влезот за дотур на стока, објави телевизија Тв Канал-VIS Струмица!

Сѐ уште чади во Глобал, пожарникарите гасат на повеќе локации.

Најоштетен е делот од главниот влез до продавницата Зо го.

Засега нема точни информации каде почнал пожарот, иако сомнежите на надлежните се дека тргнал од влезот за дотур на стока.

Претседателот на Владата Зоран Заев денеска во Струмица изврши увид на штетата која е направена по пожарот кој синоќа го зафати Трговскиот центар „Глобал“.

При увидот беше изразено големо жалење за страшната слика од остатоците на пожарот, кој зафатил продавници во приземјето и се проширил на првиот кат и пазарот.