Во близина на спортскиот центар Розенфелд – Хајлнгенцимер во Германија, повредени се 15 фудбалери од удар на гром.

Како што пренесоа германските медиуми, гром удри во фудбалери додека тренираа, вчера вечерта во близина на спортскиот центар Розенфелд – Хајлнгенцимер во Германија.

Големото невреме кое било пропратено со торнадо го погоди исто така и Луксембург, делови од Холандија и Германија, каде во покраината Баден – Витербург, од ударот на гром беа повредени 15 фудбалери.

Фудбалерите се на возраст од 19 до 48 години и се здобија со лесни повреди, додека само еден играч за момент бил во бесознание.

Фудбалерите веднаш биле префрлени во најблиската болница.