Откако пред неколку дена познатата фолк пејачка Елена Велевска за естрадниот магазин Бекстејџ рече дека дефинитивно се разведува, и не успеала да го спаси бракот сега се огласи и нејзиниот сопруг, бизнисменот Марјан Мирчески.

Тој за „Медиасет.мк“ потврдува дека тој и Елена се разведуваат, и дека разводот е веќе во постапка. Иако на неколку наврати пејачката тврдеше дека разводот е поради семејсно насилство, сепак нејзиниот сопруг вели дека всушност таа е виновна за разводот.
Марјан вели дека пејачката е со нарушена здравствена состојба и со тоа е опасна за околината.

„Елена се соочи со сериозен здравствен проблем кој не е од телесна природа и кој може да биде опасен како за неа така и за околината. Ситуацијата стана сериозна и за жал невозможно е да живееме заедно со трите деца, па таа на 24 октомври беше пренесена во Прилеп каде беше под надзор на докторот Пирганоски. Елена 14 дена примаше адекватна терапија. По 4 седмици откако беше пуштена од болница прекинала да ја зема терапијата, по што ситуацијата повторно се влоши“, објаснува Мирчески и додава дека во тој период ѝ биле откажани сите настапи кои биле претходно закажани.

Мирчески вели дека тој се грижи за нивните деца, а тврди дека докторот одбивал да го даде извештајот за нејзината состојба во Центарот за социјалните работи, за да се определи старателството.