Откако Шеќерим Ахмети, познат како Ел Чека, објави нова бомба преку социјалните мрежи на која се слуша гласот на вицепремиерката и втор човек во СДСМ и нејзините упатства за функционерот на ДУИ Фатмир Бесими како член на ДУИ во ДИК да го искористи неговиот „одлучувачки глас“ и да гласа за локалните избори во Државната изборна комисија се отвара прашањето дали обвинителката Вилма Рускоска ќе ја повика Радмила Шекеринса да одговара за противправно влијанија врз членнови на ДИК?
Во аудио бомбата која ја објави Ел Чека се слуша женски глас за кој тој тврди дека е на Шекеринска, која наводно од соговорникот бара членот од ДУИ, Субхи Јакупи, „принципиелно да гласа по однос на изборната победа на опозицијата во Центар и Куманово, за изборниот процес да не добие црвен картон“.
Се работи за експлицитно договарање гласање во ДИК, за што Основното јавно обвинителство има практика да отвора случаи. Конкретно, во ваков случај, за исто дело правосилно беа осудени Сашо Мијалков, Мендух Тачи, Бедредин Ибраими, Анета Стефановска, Влатко Сајковски и Сашо Срцев во случајот „Титаник 2“.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.