Најдобриот српски тенисер Новак Ѓоковиќ, донираше во болницата во Бергамо, местото во Италија кое е најпогодено од корона вирусот.

Засега не е познато за каков вид на помош станува збор, но Италијанците велат дека станува збор за голема сума. Она што најмногу ги воодушеви беше неговата желба да биде анонимно. Сепак, овие информации беа објавени.

“Добивме значителни донации од странство и тоа ме воодушеви. Она што ме импресионираше беше Новак Ѓоковиќ! Тој даде милион евра на Србија, неговата земја и кога ги слушна вестите за Бергамо, тој помисли и на нас. За мене, ова е одличен човек, се надевам дека ќе можам да го гушнам “, изјави Питер Асембергс, директор на болницата Бергамо, за италијанските медиуми.

Италијанскиот Евросопорт известуваше за сето ова:

„Да,  Ѓоковиќ има злато срце а тоа го потврди директорот на здравствениот центар на Западен Бергамо, Питер Асемберг, кој даде изјава  за„ Порта а порта “.

Имено, Новак Ѓоковиќ никогаш не престанува да  воодушевува со својата дарежливост. Најдобри примери на такви луѓе се оние кои тивко помагаат, а не се рекламираат, дури и  луѓето да не знаат какво добро прават. За неговата љубов кон нашата земја (Италија) дознавме не од него, туку од други личности“, известуваат Италијанците.