Светскиот Македонски Конгрес (СМК) бара одговорност од Владата и министерот за здравство Венко Филипче заради погрешната методологија на пресметка на стапката на смртност од корона вирусот во Македонија, откако самиот во гостување на телевизија Телма од 26 октомври објасни, тоа што јавноста одамна веќе го знаеше, дека “една од причините зошто Македонија има висока стапка на смртност од корона вирусот е тоа што ги пријавуваат апсолутно сите пациенти кои починале, а биле позитивни на Ковид-19, односно сите тие се бројат во таа статистика!“

СМК бара итна корекција на методологијата на пресметка на стапката на смртност од корона вирусот, имајќи предвид дека тоа создава погрешна претстава за пандемијата со корона виурусот во Македонија пред европската и светската јавност!

Податоците на Европскиот центар за превенција и контрола на болести (ЦДЦ) покажуваат дека Македонија се наоѓа на петто место во Европа и на 11 место во светот, според стапка на починати лица од Ковид-19 на 100.000 жители!

Во Европа полоши стапки на смртност од Ковид-19 од Македонија имаат само Андора, Чешка, Црна Гора и Молдавија! Во Македонија се регистрирани 441 позитивни на 100.000 жители, за споредба Европската Унија и Германија стапките од 30 до 50 новозаразени на 100.000 жители ги сметаат за критични!

СМК за намерна груба грешка и манипулација на јавноста ги смета сите досега објавени статистики за починати од Ковид-19 во Македонија, имајќи предвид дека во пациенти починати од корона вирус се пресметуваат сите пациенти кои биле примени во болниците со друга тешка здравствена состојба, а за кои после смртта им биле објавени резултатите од корона вирусот како позитивни!

СМК протестира заради погрешната статистичка пресметка што и’ на несува огромна штета на државата Македонија и македонските државјани, имајќи предвид дека тоа ја вбројува Македонија и македонските државјани во ризична група на земји за кои е забрането движењето во светот, односно за Македонците важи забраната за влез во многу држави во светот!

СМК од Министерството за здравство бара да ги објавуваат не само бројот на починатите од корона-вирусот, туку и бројките на починатите од сите останати болести во Македонија на месечна основа годинава, како и податоците за движењето на починатите по вид на болести за истото време на месечна основа од минатата 2019 година!

СМК потсетува на алармантната смртност од канцер, леукемија и тироидна жлезда, до размери на епидемија, од загадениот воздух во Скопје за што ништо не се презема и од контаминацијата на Македонија посебно Скопската котлина поради НАТО-бомбардирањата со стотици тони осиромашен ураниум и графитни бомби во Србија и Косово 1999 година, пред се’, воените инсталации на поранешна ЈНА во регионот на реката Лепенец, која од Косово се влева во Вардар во Македонија!