Пред околу половина час, од куќата на обвинителката Катица Јанева се изнесуваше мебел.

Полицијата денеска два пати вршеше претрес во домот на Јанева во Козле. При претресот во СЈО со налог е одземен нејзиниот компјутер.

Специјалната јавна обвинителка Катица Јанева со полиција го напушти нејзиниот дом во Козле и се упати кон Кривичниот суд, каде ќе биде изведена пред судија во претходна постапка, кој треба да одлучи по барање на ЈО за одредување мерка притвор.

Обвинителката ја искористила својата службена положба и овластување и за себе и за двајцата осомничени прибавила имотна корист во значителен износ. За себе добила предмети мебел во вредност од 298 илјади денари, кои за неа ги набавил еден од осомничените, а за двајцата осомничени прибавила имотна корист од еден милион и петстотини илјади евра“, истакна државниот јавен обвинител Љубомир Јовевски.