Нов инцидент на паркинг просторот во центарот на Охрид.

Инцидентот во кој се оштетени автомобили и повреден е еден контролор на паркинзите го предизвикало непознато лице, кое претходно паркирало возило, но одбило да плати, по што од страна на контролорите на возилото бил поставен блокатор.

Граѓанинот ( за кој неофицијално се тврди дека не е жител на Охрид ) го стартувал возилото со блокаторот, по што удрил во 7 паркирани автомобили, и повредил еден од контролорите вработени во паркинзите.

Инцидентот го потврдија и од ЈП “Билјанини извори” кое стопанисува со градските паркинзи во градот.

Лицето се оддалечило од центарот на Охрид и по него трага полицијата.