На социјалните мрежи се шири снимка која наводно се прикажува ситуацијата во една болница во Вухан град од 11 милиони луѓе откаде е и настаната епидемијата коронавирус.

Како што пишува CNN, кој истотака објави видео, автентичноста на истата не може да се утврди. Сепак, новинарите на CNN ја анализирала снимката и дијалектите на луѓето на неа и тоа како веруваат дека би можела да биде автентична.

Истотака, тоа што се гледа на снимката е во склад со она што го објавуваат кинеските медиуми.

На снимката се гледа ходник полн со пациенти. Една работникчка во болницата вика: „Престанете сите да зборувате, слушајте ме. Тишина“.

Таа дава инструкции на другите работници да ги споредува сите луѓе кои доаѓаат по резултатите по тестирањата.

– Сите кои доаѓате по резултатите од тестирањето нека го пратат ова момче до влезот и да се наредат, не бидете нервозни, вели вработената во болницата.

Бројот на заразени од новиот тип на коронавриус во централна Кина се зголеми на 830, а досега умреа 25 лица, објавија утринава државните кинески медиуми.

Истовремено, кинеската провинција Хубеи, во која вирусот се појави, побара поголема финансиска помош од државните власти. Засега во 10 градови на провинцијата Хубеи е суспендиран јавниот транспорт.

Градот Вухан забрзано гради нов стационар со илјада кревети за заболените, мобилизирајќи механизација од страна на приватниците.

Новиот вирус и припаѓа на групата вируси кои предизвикаа САРС, болест од која пред 17 години умреа 800 лица ширум светот, а исто така почна да се шири од Кина.