Поради штрајкот кој почна вчера германската авиокомпанија „Луфтханза“, денеска откажа околу 600 лета.

Како што соопштуваат од компанијата најавено е дека штрајкот ќе трае 48 часа, а вчера беа откажани 700 лета. 

Секој петти од вкупно 6.000 летови на авио-компанијата се откажуваат, односно во деновите за кога е закажан штрајк.
Според компанијата, следува откако судот во Франкфурт дал зелено светло за одржување на штрајк, отфрлувајќи го барањето на авиокомпанијата за забрана на штрајковите.

Луфтханза АГ е најголемата авиокомпанија во Европа во смисла на превоз на патници и национален авиопревозник на Германија. Името на компанијата потекнува од “Luft”, германски збор за воздух, и “Hansa”, моќна средновековна трговска компанија. Авиокомпанијата е петта по големина во целиот свет, оперира на 209 дестинации во 81 земја.

Луфтханза ја има втората најголема флота на авиони во светот. Седиштето на авиокомпанијата е во Келн, Германија, додека централниот аеродром кој го користи авиокомпанијата е аеродром Франкфурт, со втор хуб аеродром Минхен. Луфтџанза е првиот член на Star Alliance, најголемата светска алијанса на авиокомпании. Star Alliance беше формирана во 1997 година заедно со Thai Airways, United Airlines, Air Canada и SAS Scandinavian Airlines System.

Моментално, Star Alliance има 20 членови и 3 регионални члена. Луфтханза оперира со преку 400 авиони и вработува 105,261 луѓе ширум светот. Во 2007 година, 83.1 милиони патници летаа со Луфтханза.