Температурите утринава во целата држава се над нулата. Најтопло е во Демир Капија каде се измерени 12 степени, а најстудено во Берово два степена.

За денеска синоптичарите најавуваат сончево време со мала облачност особено на северозапад. Ќе дува слаб до умерен ветер од јужен правец. Максималната температура ќе се движи во интервал од 18 до 24 степени.

Во Скопје слично време со максимална температура до 21 степен.

Во текот на изминатата ноќ во поголем дел од државава облачноста се намали и врнежите престанааа со исклучок во западните предели каде имаше повеќе облаци и послаби локални врнежи од дожд, јавува Славчо Поповски.

До крајот на денов времето ќе биде сончево и значително потопло со мала до умерена локална облачност и тоа особено во западните предели каде локално ќе има и умерена облачност а ќе дува и слаб до умерен ветер од јужен и од југозападен правец кој локално ќе засилува на интензитет.

Поради југозападното воздушно струење од Сахара кон нашата територија ќе започне транспорт на прашина и песок па така и времето ќе биде релативно мачно, понекаде и спарно. Максималните дневни температури на воздухот ќе бидат во поголем пораст и ќе се искачуваат во интервалот од 15 до 23 степени.

Повеќе облаци повторно ќе има во текот на утрешниот ден кога на запад ќе има услови за послаб локален дожд претежно попладне и навечер.

Циклонот Златка повторно врнежи од дожд ќе услови во четврток и истите локално ќе бидат нешто поинтензивни а не се исклучува можноста и за ретка појава на грмежи. Исто така во четврток поовторно ќе дува умерен до засилен ветер од јужен и од југоисточен правец.