Командата на градот Бишкек воведе полициски час во главниот град на Киргистан, објави градскиот секретаријат за внатрешни работи.

На територијата на градот Бишкек се воведува полициски час од 21 до 5 часот наутро. Полицискиот час важи за сите граѓани на Бишкек и странците, освен за вработените во државните и градските служби кои соработуваат со градската команда”, стои во соопштението објавено на Фејсбук. 

„Оваа мерка забранува собири, протести, паради и демонстрации, како и масовни спортски настани на територијата на градот Бишкек“, се вели во соопштението. Киргистанскиот претседател Соронбај Шенбеков вчера прогласи вонредна состојба во главниот град и нареди распоредување на армијата.

Шенбеков претходно изјави дека е подготвен да поднесе оставка кога ќе се формира нова влада и немирите што избувнаа по објавувањето на резултатите од парламентарните избори и упадот на приврзаниците на опозицијата во државните институции.

Шенбеков ги повика сите политички сили во земјата да го зачуваат мирот и да престанат поделбите во општеството.

Исто така, поранешниот претседател на Киргистан Алмазбек Атамбајев беше уапсен од специјалните полициски сили, беше објавено од седиштето на Социјалдемократската партија на Киргистан, пренесува ТАСС.