Тешка сообраќајна несреќа се случила вчера во Скопје, во која се повредени четири лица. Сообраќајната незгода се случила вчера околу 19:30 часот на раскрсницата од булеварот „Јане Сандански“ и улицата „Васко Карангелевски“, информира МВР.

Сообраќајната незгода се случила помеѓу патничко моторно возило марка „Фолксваген Поло“ кое е во сопственост на МВР, а управувано од 28-годишниот М.Г. и патничко моторно возило „Пежо“ со скопски регистерски таблици управувано од 37-годишниот Г.С. од Скопје.

Во сообраќајната незгода со повреди се здобиле возачите и сопатниците од двете возила и веднаш биле пренесени во Комплексот клиники „Мајка Тереза“.

Од страна на увидна екипа од СВР Скопје извршен е увид на местото на настанот а за незгодата известен е Одделот за внатрешна контрола и професионални стандарди кој превзема мерки од нивна надлежност.