На социјалните мрежи премиерот Зоран Заев денеска се пофали дека притисокот му е 120 со 80, после вчерашниот дуел со лидерот на ВМРО ДПМНЕ Христијан Мицкоски, во кој како што можевме да забележиме, во многу наврати беше нервозен.
Премиерот Зоран Заев денеска присуствуваше на одбележување на 12-годишнината од формирањето на универзитетот „Гоце Делчев“ во Штип, заедно со штипскиот градоначалник Благој Бочварски и министерот за здравство Венко Филипче.
Министерот и градоначалникот заедно со премиерот Зоран Заев, ги посетија штандовите што студентите ги поставија а исто така и ги презентираа програмите за новата година студентска година.
На премиерот Заев му беше измерен притисокот, на еден од штандовите и како што напиша на социјалните мрежи, притисокот му е нормален.
Тој напиша дека студентските години се најдобрите времиња кога стекнатото знаење и новите пријателства граделе спомени, и на кои сите студенти ќе се навраќаат целиот свој живот. Тој им посака на студентите, професорите и ректорот среќна годишнина и успешни идни години.
– Студентските години се најдобрите времиња кога стекнатото знаење и новите пријателства градат спомени, на кои ќе се навраќаме целиот наш живот. Големи перспективи се отвораат за младите во државата. Денеска, при посетата на штандовите на факултетите на Универзитетот „Гоце Делчев“ во Штип, им ја честитав годишнината и им посакав на сите, на професорите, на студентите и на сите вработени во универзитетот успешни идни години како академска средина која секогаш ќе се стреми да ги проширува академските хоризонти.
Им благодарам на ректорот на, проф. д-р Блажо Боев и градоначалникот на Општина Штип, Благој Бочварски за гостопримството. – напиша премиерот Зоран Заев на Фејсбук.
Премиерот и лидер на СДСМ Зоран Заев и претседателот на опозициската ВМРО-ДПМНЕ Христијан Мицкоски, синоќа се сретнаа очи во очи во телевизискиот дуел на Канал 5, но тоа како да не им беше доволно, после емисијата си упатија меѓусебни пораки и преку Фејсбук.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.