Пејачката Тамара Тодевска реши да се врати на своите настапи по пауза од два месеци. Таа на 17 ти овој месец ќе настапи на Камениот мост, односно на плоштадот Филип Втори, во склоп на манифестацијата ,,Звуците на чаршијата”.

Македонската пејачка се повлече од очите на јавноста откако на прославата за денот на независноста на САД направи како што изјави и тогаш ненадејна грешка и го изостави делот од химната во која се споменуваат македонските револуционери Гоце Делчев, Питу Гули,Даме Груев и Јане Сандански по што јавноста ја осуди па поради силните притисоци Тамара реши да го откаже гостувањето на ,,Пивофест” во Прилеп и најавениот концерт во Антички театар во Охрид.

Тамара Тодевска тогаш на својот Фејсбук профил напиша дека поради една ненамерна грешка нејзиното семејството поминува низ пекол поради сите обвинувања

па поради тоа таа порача како се надева дека и јавноста ќе ја надмине нејзината грешка и ќе најде начин да разбере дека е повеќе од ненамерна. По два месеци пауза Тамара одлучи повторно да се врати на сцената па настапот во Скопје на 17-ти ќе биде прв на пејачката по настанот во амбасадата.

Тамара заминува на европска турнеја која започнува на 5-ти октомври кога ќе настапи во Мадрид, Шпанија, на втори ноември во Архус, Данска, а пак на 30-ти ноември во Келн, Германија.