Откако вчера Топ Ченел објави ексклузивна видео снимка на која се гледа како заменик министерот за здравство Асим Муса бара мито, денеска тој си поднесе оставка од функцијата.
Ова е стапица со која медиумите прават обид да и нашетат на мојата професионална фигура, рече Муса.
Муса пред медиумите истакна дека нема да дозволи кредибилитетот да му биде нарушен со бомбастични наслови во медиумите.
Во постојаните барања на пациентот за кого станува збор јас го информирам дека интервенцијата за странски пацинети кои не се осигурани во нашата држава е приватна и го информирам кој е можниот износ за интервенцијата, на негово прашање колку би чинело по пакети. Токму овие пациенти постојано се обидуваат да приредат стапица против мене во која било форма, нагласи Муса.
Асим Миса не даде одговор на новинарското прашање дали ќе биде поднесена кривична пријава против него.
Инаку вчера во јавноста излезе веста дека Асим Муса, заменик-министерот за здравство е вмешан во корупциски скандал при што бил и фатен на дело. Муса беше фатен од екипата на најпознатото албанско истражно шоу, Фикс Фаре, кое се емитуваше вечерва во 20:10 часот на Top Channel
Како што беше објвено заменик министерот Муса се пазарел со пациент од Албанија за да се изврши операција во една од болниците во Струга.
За оваа работа, Муса побарал 1.000 евра, додека однапред земал 50 евра. Во емисијата се вели дека заменик министерот меѓу другото правел и сунети и дека тоа го правел за бакшиши.
Имено вчера во јавноста одекна веста дека од владата на премиерот Заев, еден од заменик министрите побарал поткуп односно прима пари за да изврши одредена услуга.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.