Според СВР Тетово, финансиската "заработка" на крадците е мала, од 3.000 до 1.000 денари од грабеж, но не се сигурни колкава е материјалната штета на иконописот и фрескописот

Објавил: Мирко Бачиќ | 11 септември, 2018 11:17

По четврти пат ограбена црквата Свети Димитриј во Тетово

Фото/Текст извор: ©магазин.мк

Втор пат овој месец, а четврти пат годинава непознати сторители извршиле тешка кражба во црквата „Свети Димитриј“ што се наоѓа на улицата „Прохор Пчински“ внатре во православните гробишта во Тетово.

Според неговите податоци последната кражба била извршена во неутврден периодот од недела до денеска.

Засега непознати сторители најпрвин го скршиле катинарот од дрвената влезна врата по што влегле во црквата и по пребарување на масата за продажба на свеќи одзеле 200 до 300 денари, а потоа ја отвориле и касата поставена на престолот од иконата од која одзеле 700 до 800 денари во разни апоени. На овој начин тие  противправно се стекнале со вкупна имотна корист од  околу 1.000 денари. Причинетата материјална штета дополнително ќе се утврдува, изјави Јосифовски – портпарол на СВР Тетово.

Претходно на почетокот од месецов, исто така, засега непознати сторители ги искршиле двата катинари од влезната врата по што од внатрешноста на црквата одзеле околу 1.400 денари.

Првата од серијата кражби во оваа црква се случи на почетокот од февруари кога сторителите со хебла ги искршиле двата катинари и цилинадар бравата од влезната врата а потоа ги отвориле кутиите за прилози од верниците при што одзеле помеѓу 2.500 и 3.000 денари.

По неа во мај годинава исто така по насилно отворање на вратата стоирителите одзеле околу 2.000 денари.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Вести