Откако минатото рочиште беше откажано, денеска во Кривичниот суд во Скопје, е закажано ново рочиште за случајот „Рекет”.

На денешното рочиште треба да се прегледуваат снимките од бизнисменот и сведок Орце Камчев.  Имено јавноста на последното рочиште можеше да прочита и неколку СМС пораки кои ги разменувал првообвинетиот Бојан Јовановски а воедно комуницирал и со тогашниот премиер Зоран Заев, кој му рекол дека станува збор за чист рекет.

На рочиштето обвинителката Ирена Трајчевска, обелодени и фотографија на која се гледа обвинетата Катица Јанева со снопче од 500 евра.

Случајот „Рекет”, во води Кривични совет предводен од судијката Васка Николовска-Масевска, односно обвинението го застапува шефицата на Обвинителството за борба против организираниот криминал и корупција, Вилма Рускоска.

Основното јавно обвинителство за гонење организиран криминал и корупција во октомври лани поднесе обвинение против Бојан Јовановски, Катица Јанева и Зоран Милевски.

Првообвинетиот Јовановски се сомничи дека сторил кривично дело „перење пари и други приноси од казниво дело“, а Јанева и Милевски за „примање награда за противзаконито влијание“. Второобвинетата Јанева се товари и дека сторила и кривично дело „злоупотреба на службена положба и овластување“.

На првото рочиште за „Рекет“, што се одржа на 3 декември, третообвинетиот Зоран Милевски-Кичеец призна вина, по што беше осуден на три години затвор.