Доцна синоќа околу 00,35 ч. добиена е дојава за пукање од огнено оружје во Хотел Александар Палас, лоциран на бул. 8-ми Септември бб, дознава Алсат.
Додека во ресторанот седеле 5 машки лица, од страна на 5 други машки лица вооружени со огнено оружје, најверојатно автоматски пушки и пиштоли, со црни и црвени фантомки на главата, излегувајќи од возило отвориле оган према ресторанот.
Тројца од сторителите влегле во хотелот извикувајќи „Полиција, Полиција“ и испукале рафали кон ресторанот, по што го напуштиле местото.
Во моментот кога пукале во ресторанот, едно лице (полицаец) го употребил својот службен пиштол и испукал околу 11 проектили во правец кон сторителите извикувајќи дека тој е полиција.
Еден човек е ранет во престрелката во Александар Палас?!
Хотелски гости и полициски извори за Алсат тврдат дека најмалку едно лице е потешко повредено во вооружената престрелка, која по полноќ се случила во скопскиот хотел Александар Палас.
Информацијата ја потврдуваат и гости на хотелот кои го слушале пукањето и слушнале крици на тешко рането лице.
Официјално не се соопштува за кого се работи ниту за бројот на повредените или евентуално убиените луѓе.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.