Руската економија, која е погодена од вирусот корона и падот на цената на нафтата, може да се опорави благодарение на мигрантите, изјави рускиот претседател Владимир Путин.

„Русија е заинтересирана за пристигнување на мигранти, но за оние кои и се потребни на државата. Не зборувам за постари лица, туку за млади, образовани, здрави луѓе кои се подготвени или да бидат едуцирани и да влијаат на пазарот на трудот, или да започнат со работа веднаш, со потребни квалификации “, рече Путин на состанокот со работната група за подготовка на уставните измени.

Како што оцени, во некои земји таа работа е подигната на „многу високо, солидно, скоро научно ниво“.

Русија треба да го стори истото, смета Путин. Како прво, државата е заинтересирана за пристигнување луѓе со познавање на рускиот јазик и култура.

„Што се однесува до економијата, сосема е јасно дека со развојот на економијата веќе ни фалат работници. Тоа станува вистинска објективна сопирачка за економскиот раст во земјата. Тоа е еден од сериозните проблеми“, рече Путин.

Тој нагласи дека повеќе пати давал наредба на Владата да го реши овој проблем.

Сепак, тој додаде дека Русија мора да се грижи дека пристигнувањето на мигрантите не ја нарушува социјалната архитектура, дека не се повредени правата на руските граѓани.