Македонски државјанин загина откако бил прегазен од автомобил додека менувал дупната гума на комби, во понеделникот во Швајцарија, објави 24 Инфо. Трагичната сообраќајка се случила на автопатот А1 во близина на местото Обербурен во кантонот Сент Гален.
Возач на комби пријавил во локалната компанија за помош на пат дека му е дупната гумата, па на повикот бил испратен Адем Б.(24), кој за кусо стигнал на местото. Тој заедно со возачот(50) со дигалка почнале да го креваат возилото за да ја сменат левата предна гума.
Лекарите се обидувале да го спасат Адем, но тој истата вечер починал.
Сопственикот на компанијата во која работел македонскиот државјанин е шокиран од несреќата, но не ја коментирал бидејќи немал официјални информации од полицијата.
Колегите на загинатиот, пак, имаат само пофални зборови за Адем, кој бил вреден и посветен работник. Сепак, тие со горчина рекле дека не се заштитени и премногу често се случуваат вакви несреќи во кои страдаат нивни колеги и тоа при рутински дефекти каков што бил во понеделникот.
Од полицијата нема подетални информации за несреќата освен дека комбито било регуларно паркирано на лентата за сопирање, па фокусот на истрагата е насочен кон возачот на „алфата“.
Очевидци на трагедијата, пак, тврдат дека тој зборувал на мобилниот телефон што му го одвлекло вниманието па удрил во двајцата. Возачот на автомобилот, наводно, им рекол на роднините на починатиот дека вината е негова.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.