Огромно негодување на академската јавност за впишувањето на Охридскиот рамковен договор со текстот на Преамбулата на Уставот на можната Република Северна Македонија.

Според истакнати имиња од правната фела нелогично е политичка одлука која никогаш не била гласана на рефередум од граѓаните или одобрена од нивна страна во било која форма, да се најде во Преамбулата.

Рамковниот договор како политичка одлука за прекин на војната во 2001 година самиот по себе донесе петнаесет (15) амандмански измени на Уставот на Република Македонија, и со тоа политичката одлука доби правна завршница.

Имено согласно Рамковниот договор, во Уставот и Преамбулата се интервенираше со серијата од Амандман XIV до Амандман XVIII со што целосно е исполнета обврската за импелентирање на политичките одлуки.

Ако веќе во Преамбулата се цитираат и политички одлуки, тогаш стручната јавност отворено го поставува и прашањето за Пржинскиот договор, со кој иако политички, сепак се уредува највисокиот процес на изразување на демократското право на граѓаните во Македонија, изборите на претеници со Собранието на Република Македонија.