Откако помина еден час на распит во Кривичниот суд за случајот Рекет осомничената пратеничка Фросина Ременски за новинарите изјави дека не чувстува вина за проширената истрага во која таа е осомничена дека со својот авторитет оставила впечаток дека зад проектите на Меѓународен сојуз стои извршната власт.

Ременски по распитот изјави дека ќе помогне за целосно расчистување на случајот и ќе соработува со обвинителството. Откако вчера обвинителството соопшти дека е прошилена истрагата на уште четири лица, многумина удрија по нејзината функција велејќи дкеа редно е да даде оставка, но Ременски денеска пред новинарите изјави дека нема намера да поднесе оставка од функциите се додека не се докаже нејзината вина.

Обвинителството за гонење на организиран криминал и корупција за Ременски бара мерки на претпазливост, дали ова барање ќе биде прифатено Кривичниот суд ќе информира во текот на денот

Обвинителката Вилма Рускоска вчера вечер изјави дека за пратеничката Фросина Ременски се преземени мерки на претпазливост. Таа објасни дека за Ременски, како и за другите осомничени во проширената истрага од предметот Рекет, рече дека се барани само мерки за претпазливост: одземање на пасош, забрана за напуштање на престојувалиште, и еднаш неделно да се јавуваат во судот. Најави дека другите осомничени утре ќе дојдат да дадат исказ во судот.