Шефицата на Обвинителството за организиран криминал и корупција Вилма Рускоска ексклузивно за Канал 5 потврди дека е извештачен и вториот мобилен телефон на Катица Јанева.

Обвинителката Русковска, вели дека во вториот телефон од Јанева нема ништо, односно дека е форматиран со сменет ICloud. Ова потврдува дека станува збор за мобилен телефон од производителот Iphone.

Катица Јанева изјавила дека мобилниот телефон го изгубил нејзиниот син во Белград, а подоцна Јавното обвинителство со налог преку МВР го пронајде кај сестрата на девојката на синот на Катица Јанева, Лазар Јанев.

Бранко Геровски, во својата најнова колумна запрашува до кога ќе ја штитат специјалната обвинителка Катица Јанева. Зошто ја штитат? За да не проговори за нешто?

Героски исто така пишува:
Не било лесно да се одбие фамозниот Бојан Јовановски. Ова го дознавам од еден друг допис, од сопственикот на една навистина моќна македонска градежна компанија. Поседувам фотографија и од овој допис.

Сопственикот е толку моќен и со силен грб, што се вели, што смогнал сили да го одбие безобразниот Јовановски со неговата „платформа“.