Попладнево силeн земјотрес бил почувствуван во албанскиот град Корча и околните области.
Земјотресот бил со јачина од 4,4 степени, со епицентар 10 километри југоисточно од Билишта. Како што јавува албанската телевизија А2, нема, информации за материјална штета или повредени лица.
Балкан веб објави и видео на кое се гледаат жителите од Корча како трчаат надвор од нивните домови.
Горица или Корча е град и општина во истоимената област во рамките на Горичкиот округ во југоисточниот дел на Албанија.
Општината е создадена во 2015 г. со спојување на дотогашните општини Дреново, Горица, Лејка (Лекас), Дворани, Булгарец, Високуќи (Виткуќ), Воскоп и Москополе, кои станале општински единици.
Според пописот од 2011 г. населението на сегашната општина брои 75.994 жители, а тогашната општина зафаќала 805.99 км2. Според истиот попис, тогашата општина броела 51.152 жители.
Ова е шести град по големина во Албанија. Сместен е на висорамнина на надморска височина од 850 м, обиколена од планината Морава.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.