Синот и ќерката на Мирјана и Слободан Милошевиќ не дозволуваат нивната мајка да биде погребана во Србија, до нивниот татко Слободан.

Инаку Мирјана Марковиќ, сопругата на некогашниот претседател на Србија и на СР Југославија, Слободан Милошевиќ, починала вчера во 77 година од животот, во Русија, каде што живееше во последните 16 години. 

Мирјана која беше поранешна претседателка на политичката партија Југословенска левица, починала како последица од воспаление на белите дробови  во болница каде се лекувала скоро еден месец. Времето и местото за нејзиниот погреб се уште не се познати, но постои недоумица каде таа ќе биде погребана – дали покрај сопругот до липата во Пожаревац, или во Москва каде ги поминала последните години во животот.

Последна желба на Мирјана сепак била да биде погребана покрај нејзиниот сопруг.

Според информациите кои вчера ги објавија медиумите, сопругата на Милошевиќ имала четири операции во болница во Сочи, по кои дошло до компликации.

Инаку Мира последните години во животот ги помина во Русија со статус на политички бегалец веќе долг период. Во 2005 година Србија распиша потерница по неа, со што веднаш штом би дошла во Србија, би била уапсена, но апелацискиот суд во Белград од неодамна ја укина пресудата со која Марковиќ е осудена на една година затвор поради злоупотреба на службената положба при доделување на државни станови. 

Таа беше југословенска и српска докторка по социологија, политичарка, и сопруга на поранешниот претседател на Сојузна Република Југославија Слободан Милошевиќ.