Актуелната претседателка на политичката партија “Глас за Македонија” за која скоро и ништо да не се знае, Д-р Солза Грчева е исто така енигма самата за себе.

Од достапните информации за нас, за Солза Грчева знаеме само дека е Доктор по компјутерски науки при Универзитетот “Свети Кирил и Методиј” во Скопје при Природно математичкиот факултет. И тоа е единствена информација која може да се најде  на нејзината биографија објавена на сајтот на Собранието на Македонија.

Но сепак информациите од терен говорат дека Грчева  е многу повеќе од тоа.

Покрај Универзитетот “Свети Кирил и Методиј” во Скопје таа во одреден период била и дел од колективот на Факултетот за информациски и комуникациски технологии при Универзитетот ФОН каде од “просперирала” од вондреден професор па се до Декан на истоименит факултет. Грчева била и дел од колективот на Универзитетот “Гоце Делчев” во Штип каде исто така имала успешна кариера па од вондреден професор стигнала до функцијата Проректор за меѓународна соработка.

Со Одлука од 24-ти ноември 2017-та година Солза Грчева е избрана за професор при Факултетот за технички науки овој пат при Универзитетот “Мајка Тереза” во Скопје. 

Како поборник во законодавниот дом против политиките на “Универзитет во секој град – факултет во секое село” очигледно е дека академската кариера и оди одлично . Н е познато  дали го владее албанскиот јазик бидејќи  Универзитетот “Мајка Тереза” во Скопје во основа беше промовиран токму за таа етничка заедница.

За Грчева неможе да се најде политичка биографија.?!

Знаеме дека била член на Либерално демократската партија иако таа тоа јавно го оспорува но ЛДП, поточно  тогашниот претседател Жерновски излезе со изјава дека  не само што била нивни член туку во одредени сегменти држела партиски прес конференции на тема образование – комисија со која раководела.

Од ЛДП Грчева преминува во СДСМ од каде во 2014-та година станува и нивен пратеник по што веќе следната година по личната одлука да не ја почитува партиската одлука за бојкот на работата на Собранието на Македонија, е исклучена и делува како самостоен пратник. По изборите во 2016-та година Грчева формира сопствена политичка партија и е најгласен критичар на политиките на СДСМ и Заев.

Во  периодот пак во 2007-ма година иако критичар на политиките на ВМРО – ДПМНЕ таа била во одлични релации со владеачката партија. Така Грчева била  хонорарен соработник, денес  популарно именувани како „специјален советник„ на тогашниот премиер Никола Груевски за проектот “Компјутер за секое дете” кој е проект на извршната власт од 2007 година а е дел од владината иницијатива за “образование и обука на сите” кој се темели на Националната програма за развој во образованието 2005 – 2015 година.

Грчева има изјави од типот, дека доколку би била премиер уште во 2008-ма година би ги прекинала преговорите за името на Македонија со Грција но нема јасен став за политиките на СДСМ во периодот по војната во 2001-ва година особено за криминалите на тогашната власт

Исто така таа никогаш досега не се изјаснила по прашањето на тогашниот  референдумот на кој СДСМ во  коалиција со политичкото крило на терористичката УЧК-а познато како ДУИ – бојкотираше со слоганот “некои прашања не заслужуваат одговор„ 

После овој Референдум кој беше организиран од СМК Кичево и Струга беа присилно реорганизирани од македонски во повеќемнозински албански општини.