Светот остана во шок од фотографиите на безживотните тела на таткото и ќерката, кои гушнати лежат на брегот на реката Рио Гранде на мексиканско-американската граница.

26-годишниот Оскар Алберто Мартинез Рамирез и неговата двегодишна ќерка Валерија не успеале да ја препливаат реката Рио Гранде, кои биле тргнати на пат за Америка.

Новинари од Мексико оваа фотографија ја споредија со истата на Алан Курди кого морето го исфрли на брегот на островот Кос.

Таткото и ќерката, која до последен момент се држела за вратот на својот татко, сакале да преминат во Тексас.

Двајцата удавени биле државјани од Ел Салвадор. Од Министерството го потврдиле идентитетот на жртвите кои трагично настрадаа.

Илјадници луѓе од Централна Америка се обидуваат да је преминат мексиканско-американската граница, која е цело време заштитена од 15.000 мексикански војници со цел да спречат илегални миграција кон Америка.

Американскиот претседател Доналд Трамп упати уцена кон Мексико – ако земјата не ја запре нелегалната преголема миграција, тој ќе воведе данок на целата стока која доаѓа од оваа централно американска држава.

Како што најави Трамп на Твитер од 10 јуни се воведе даночна стапка од 5% која пополека ќе се зголемува се додека не се реши проблемот со мигрантите од Мексико.

Најава се случи само неколку минути откако Мексиканскиот претседател Лопес, најави дека започнува процесот на ратификација на новиот трговски договор со САД и Канада.