Вицепремиерот за европски прашања, Бујар Османи, зборуваше пред студентите за четирите уставни амандмани кои најмногу поттикнаа дебата во јавноста.

Османи чија партија е 16 години на власт, заборави како е да имаш неистомисленици.

Уставните измени се продукт на Преспанскиот договор, претходно подготвен заедно со грчката страна. Бидејќи тие требаше да бидат на линија на стимулирање на Преспанскиот договор, секоја девијација од принципите на Преспанскиот договор, ќе го направат договорот неприфатлив. – изјави Бујар Османи, вицепремиер за европски прашања.

Но, говорот на Османи не беше добро пречекан од група студенти.

Веќе 27 години ни ги кажувате истите работи, Албанците не се државотворен елемент во уставните измени, албанскиот јазик не е службен јазик, туку како јазик на процент, албанското знаме не е дел од Устав. Бујар, како се чувствуваш кога гледаш овде лице кое биле спроти тебе во 2001 година. Знам дека нема да одговориш, бидејќи секогаш давате политички одговори и ние не ве разбираме. Како се чувствувате? Како Албанец или како процент? Не срамете се од вашите идеи. – изјави студент.

А и албанската опозиција бара природните права на Албанците да бидат дел од Уставот.

Истовремено и тие природни права на Албанците кои се артикулираат преку албанската опозиција, да бидат дел од Уставот. – изјави Ремзи Мехмеди од Алијанса за Албанците.

Од друга страна, познавачот на политичките прашања, Арсим Синани, вели дека сега е време Албанците да бидат државотворен елемент, а албанскиот јазик да биде службен јазик.

Сега е моментот да се воведе и албанскиот елемент во Македонија, Албанците да бидат државотворен елемент, албанскиот јазик да биде службен јазик, да се разгледа Уставот. Реално јас мислам дека на Македонија и е потребен нов Устав, бидејќи со новиот Устав се отстрануваат и другите пречки кои ја држат Македонија како заложник. -, изјави Арсим Синани, политички аналист.

Синоќа се одржа петтата и последната јавна дебата за уставните измени. Според законските одредби, во наредните 2 дена, Владата мора да ги заокружи сите предлози.