Како што објавија српските медиуми на автопатот меѓу Алексинац и Ниш, во правец кон Белград рано утрово се преврте шлепер со македонски таблички.

Тешката несреќа се случила утринава околу 8.30 на автопатотот кај селотот Катун, но засега не е позната причината зошто шлеперот се превртел.

Шлеперот го возел 38 годишно лице, државјанин на Република Македонија, а во полицијата велат дека Брзата помош е на терен, но дека се уште немаат информација дали и колку возачот е повреден.

Сообраќајот кон Белград е целосно сопрен додека камион не се отстрани, бидејќи тој ги препречил сите три ленти.

Неодамна во сообраќајна незгода која се случила на автопатот Ниш – Белград, во близината на Нови Врачин, загина Македонски државјанин возач на камион.

Несреќата се случила кога камионот со кој управувал македонскиот возач, удрил во два други камиони кои биле паркирани на третата лента. Повредени беа исто така и двајцата возачи на другите камиони.