Тешка сообраќајка несреќа се случи утринава на магистралниот пат Струмица – Граничен премин „Ново Село“, помеѓу селата Дабиле и Босилово.

Во утринските часови на 18 мај на магистралниот пат Струмица – Граничен премин „Ново Село“, помеѓу селата Дабиле и Босилово се случила тешка сообраќајна незгода во која животот го загубил 61-годишен жител од Босилово.

Според информациите од МВР, 61-годишникот управувал автомобил „фиат браво“ со струмички регистарски таблици, при што во еден момент излетал од патот и удрил во дрво.
Од добиените повреди, возачот починал на самото место, а смртта ја констатирал лекар од Итна медицинска помош. Увид на местото на несреќата извршила увидна екипа од СВР Струмица.

Од МВР информираат дека викендов полицијата открила и санкционирала поголем број прекршоци. Шеесет и пет возачи кои се движеле со брзина поголема од дозволената, шест возачи кои поминале на крстосница на црвено светло, како и 10 возачи за не користење на заштитен шлем во текот на возењето.