Во тешка сообраќајна несреќа која се случи вчера околу 12 часот, загинаа четири лица, откако нивниот автомобил се лизнал во кањонот Милјацка кај тунелот Булоз, на источниот влез во Сараево.

Автомобилот во кој се наоѓале две настрадани тела, извлечен е вчера од реката, потврди портпаролката на полициската управа Источно Сараево, Весна Стојановиќ, пренесе Фена.

Стојановиќ пренесе дека претходно беа извлечени уште две безживотни тела на две женски лица, кои се наоѓале во возилото во моментот на несреќата. Сите четири жени кои загинаа во тешката несреќа се учителки во Основното училиште Ковачица, потврди директорката Наџа Пејак за порталот Радио.Сараево.ба.

Во несреќата загинаа Мерима Балкич, Лејла Садиковиќ, Алмина Чочоровиќ и Мина Кадриќ.

„Иако бевме свесни дека животот со себе носи и непријатни изненадувања, сепак останавме шокирани од денешната вест. Немаме зборови кои можеме да ги искажаме колку многу болка и жалост чувствуваме, поради несреќата која се случи денеска.

Во едно сме сигурни дека училиштето остана без прекрасни работници, несебични со големи срца. Со голема болка и тага изразуваме најдлабоко сочувство на нивните семејства, напишаа работниците на основното училиште Ковачица, на Фејсбук страницата на оваа установа.

Во потрагата и извлекувањето на автомобилот и настраданите лица учествуваа припадници на сараевските служби за спасување, припадници од управата за цивилна заштита РС, МУП, и РС и пожарните служби од Сараево и Пала.

Оваа тешка сообраќајна несреќа се случила кога автомобилот се лизнал и изгубил контрола од автопатот, во реката Милјацка кај тунелот Булоз во источниот влез во Сараево.