Србинка уапсена во Шпанија, за сомневање на продажба на тешки дроги. Откриено е дека државјанка од Србија имала најмалку 2 плантажи со марихуана кои ги чувала за извоз. Обвинета е дека вработувала луѓе од Србија, кои ден и ноќ ги чувале засадените билки. 

Србинката Ј.А (30) уапсена е во близина на Валенсија, поради сомневање дека е организатор на криминалната група, која во Шпанија произведувала дрога и извезувала на тржиштето во Холандија и Данска. 

Како што изјавила шпанската полиција, со Ј.А се уапсени и 13 Срби кои работеле на нејзините плантажи, на одгледувањето на марихуаната.

Уапсените се главно српски државјани, а на две плантажи откриени се 3.000 билки во различни фази на растот, како и околу 200 килограми марихуана која била исушена и спремна за продажба, соопшти шпанската полиција.

Во куќата во која што живее Ј.А во Валенсија, влегле специјалци со цела опрема и во сефот пронашле 24.000 евра. 

Откриено е дека членовите на бандата изнајмувале куќи или фарми, а мозокот на операцијата била Ј.А која имала и фиктивна фирма за продажба на овошје и зеленчук.

Таа вработувала луѓе од Србија, но и меѓу уапсените биле и Бугари и Шпанци, кои веќе имале досиеја во полицијата.

Интересно е дека секоја плантажа имала и двајца стражари, Бугари и Срби, наоружани со пиштоли, изјавија шпанските медиуми.
Марихуаната ја чувале 24 часа на ден, а некои од припадниците на групата спиеле на плантажата, за да водат грижа за засадените билки.

Уапсените кои работеле за Ј.А, користеле и хемиски средства на кои се забрзува цветањето на марихуаната, и со самото тоа се наголемувало и  производството. Дрогата ја спремала за продажба, а ја извозиле за Данска и Холандија.