Времето денеска претежно облачно со повремени врнежи од дожд.
Кон крајот на денот врнежите ќе престануваат, а облачноста ќе се намалува.
Утре времето ќе биде претежно сончево, во среда облачноста ќе се зголеми, а дневната температура ќе биде во благ пораст, а ова се моменталните температури низ Македонија.
Под влијание на циклон до крајот на денов врнежи од дожд ќе имаме речиси насекаде низ државава, а локално не се исклучува можноста и за појава на нестабилност. Најинтензивни врнежи ќе бидатво западната половина каде локално ќе наврнат над 25 л/м2 воден талог, информира метеорологот Славчо Попоски.
Ќе дува засилен ветер од јужен и од југоисточен правец кој локално ќе достигнува брзина од над 80 км/час. Максималните дневни температури на воздухот ќе се искачуваат во интервалот од 11 до 19 степени.
Под влијание на понатамошно јужно и југозападно воздушно струење од утре повторно ќе има позначителен пораст на температурите на воздухот и истите ќе бидат над просекот за овој дел од годината и ќе се искачуваат во интервалот од 15 до 22 степени, облачноста ќе се намали а врнежите ќе престанат.
Повторно повеќе облаци ќе имаме во среда кога на крајниот запад има услови за слаб локален дожд а нов бран на врнежи се очекува во четврток особено попладне и навечер како и во петок.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.