Фросина Ременски, пратеничка и потпретседателка на Собранието денеска беше во обвинителството за организиран криминал и корупција каде вршеше увид на доказите за случајот со Меѓународен сојуз за кој е осомничена.

Ременски го заврши увидот во доказите кои ги обезбедило Обвинителството, и на прашање на новинарите одговори дека се видела, но не и докази, објави Сител.

Пратеничката денеска  втор ден правеше увид во доказите а утре е повикана на распит за случајот.

Според истрагата на Обвинителството, Ременски на средбите кои Боки 13 ги одржувал со бизнисмените, требало да остава впечаток дека зад проектите за изградба на старски домови стои и владата.

Во обвинителството денеска од куќен притвор дојде и потпретседателката на Меѓународниот сојуз Јасна Мандиќ која дава исказ.  Веќе три часа таа одговара на прашања од обвинителката Вилма Русковска.

Според истрагата која се води, таа е осомничена за помагање при извршување на кривичното дело „перење пари”.

Во случајот Меѓународен сојуз осомничени се уште Бојан Јовановски, Неговиот татко Миле, Христина Блажевска и Потпретседателката на собранието Фросина Ременски.