Еврокомесар за проширување Јоханес Хан во изјава за весникот „Ханделсблат“  истакна дека одбивањето на францускиот претседател Емануел Макрон  да бидат отворени пристапните преговори со Северна Македонија и Албанија е голема стратегиска грешка, која сè уште може да се поправи.

Хан вели дека можни се негативни последици од противењето на Париз за влез во ЕУ за Скопје и Тирана.

– Желбата за реформи и имплементацијата се намалува во сите земји од Западен Балкан. Кредибилитетот на ЕУ е загрозен, а дополнително се поткупуваат и проевропските политички сили во регионот, истакнува Хан, нагласувајќи уште еднаш оти одлуката на Макрон во октомври била „сериозна историска грешка“.

Јоханес Хан, кој во новиот состав на Европската комисија од сега го презема комесарското место за буџет и администрација истакна дека грешката мора да се поправи што побрзо и се надева дека тоа ќе се случи уште во првиот квартал од следната година.

-Кредибилитетот може да се врати ако ЕУ многу брзо постигне заедничка позиција за отворање на преговорите со Северна Македонија и Албанија. На сите шест земји од Западен Балкан мора да ми се даде европска перспектива, а тоа е во интерес и на ЕУ, вели Хан.

Хан вели дека стабилност на Балканот може да биде загарантиран само доколку сите шест земји од регионот бидат во ЕУ.

-Стабилноста на Балканот може да биде гарантирана само ако шесте земји од регионот влезат во ЕУ. Тоа е единствен начин за постигнување траен мир и просперитет. ЕУ веќе не е сама на Балканот. Кина и Русија инвестираат многу, а Турција и државите од Персискиот залив исто така се обидуваат да влезат во земјите од ЈИЕ, вели Хан.