По објавувањето на разговорите во врска со аферата „Рекет“, доцна синоќа на Твитер реагираше еврокомесарот за проширување и соседска политика Јоханес Хан.

Еврокомесарот Јоханес Хан на Твитер порача дека борбата против корупцијата на високо ниво мора да продолжи непрекинато и сите кривични дела мора да бидат испитани од надлежните органи.

– #Северна Македонија: Борбата против корупцијата на високо ниво мора да продолжи непрекинато. Што се однесува до најновите откритија, важно е да се утврди правна одговорност за сите кривични дела, вклучително и оние што произлегуваат од и околу илегалните прислушувања, наведува Хан.

Еврокомесарот посочи исто така дека никој не е над законоти  сторителите да бидат изведени пред лицето на правдата.

– Сите кривични дела мора да бидат испитани од надлежните органи, ослободени од какво било мешање, а сторителите да бидат изведени пред лицето на правдата, порачува еврокомесарот Хан во објавата на Твитер.