Припадници на Еулекс вршат претрес во куќата на поранешниот претседател на Косово, Хашим Тачи, јавуваат приштинските медиуми.
Специјалното обвинителство на Косово синоќа соопшти дека Хашим Тачи, Кадри Весели, Реџеп Сељими и Јакуп Красниќи од синоќа се ставени во притвор на специјализираните совети на Косово во судот во Хаг.
Тачи вчера, поднесе оставка од функцијата претседател на Косово. Вршителот на должноста претседател Вјоса Османи, во своето прво обраќање во тоа својство ги повика граѓаните да покажат единство и лојалност кон заеднички проект Република Косово.
„Нашата земја минува низ тешки денови. Граѓаните на Косово мора да покажат единство и лојалност кон нашиот заеднички проект, нашата Република“, рече таа, додавајќи дека постапките на Специјалниот суд се резултат на обврските што ги прифати Косово.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.