Дали поддршката на ДУИ за претседателскиот кандидат Стево Пендаровски кој впрочем беше и носител на листа во 2016 година на СДСМ за парламентарните избори е условена со заминувањето на Мила Царовска од министерската фотелја во труд и социјала ? Дали ДУИ се одмаздува за специјалната војна против нив, како што ја нарече Али Ахмети ?
Пораталот Република открива дека Мила Царовска ќе биде жртвувана и ќе ја напушти фотелјата токму поради скандалот што го откри со пензиите во Фондот за пензиско и инвалидско осигурување а главно беше насочен против функционери на ДУИ.
Министерката за труд и социјална политика на заеднички колегиум била во просториите на Заводот за социјални дејности на средба со директорите на Центрите за социјална работа кои се под надлежност на министерството.
Извори брифираат дека атмосферата била тензична бидејќи Царовска се нафрлила на кадрите на ДУИ од струшкиот Центар за социјална работа со закани за работното место доколку не спроведе активности за закони кои се уште не се донесени од страна на Собранието. Имено, се работело за Законот за социјална заштита и Законот за детска заштита со кои се укинува родителскиот додаток за трето дете и ја погодува албанската етничка заедница.
Инаку, Царовска веќе фрли ракавица за нарушување на односите меѓу партијата на Ахмети и партијата на Заев. Објавувањето на наводен скандал за непрефрлувањето на финансиски средства во Вториот пензискиот фонд, не само што го налути Ахмети, туку заедно со него се огласија и Артан Груби и Бујар Османи кои важат за блиски негови соработници. Царовска удри по кадрите на ДУИ кои досега директоруваа во Фондот за пензиско осигурување.
Извори од партијата на власт потврдуваат дека СДСМ по претседателските избори ќе ја жртвува Царовска заради непромислените политички чекори во контекст антиалбанскиот приод во третирањето на албанците и албанските прашања, како и објава на скандали со кои висока е цената која сакал или не, ќе мора да ја плати Ахмети во трката по гласови на престојни претседателски, но и парламентарни избори.
Во спротивно ниту еден закон во собраниските клупи, предложен од страна на министерството за труд и социјална политика нема да биде поддржан од страна на Демократската унија на албанците.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.