Поранешниот претседател на ДИK, Александар Чичаковски конкурирал за судија во Управниот суд. Чичаковски е познат во јавноста како поранешен претседател на ДИК во составот кој беше договорен после Пржинските преговори помеѓу тогашната власта и опозиција.
Инаку Чичаковски беше на чело на ДИК кога американскиот амбасадор Џес Бејли ја откри аферата со бонусите за паралментарните избори во 2016та година, кога си поделиле дополнителни четири плати.
Според одлуката донесена на затворена седница на 16 ноември 2017 година членовите на ДИК си изгласале бонуси во висина од четири и две дополнителни плати.
Четири дополнителни нето исплатени плати добиле претседателот на ДИК Александар Чичаковски, заменик претседателот Реџеп Прекопуца, како и членовите на комисијата Атана Урумов, Виолета Дума, Игор Милев, Сабхи Јакупи, Сашо Срцев и Силвана Бонева. Членовите на ДИК Бедредин Ибраими и Асани Салија добиле дополнителни две нето исплатени плати во последниот месец. Вработените во ДИК и лани си поделиле слични бонуси.
Огласот за избор на управен судија беше објавен уште на почетокот на годинава, а денеска Судскиот совет соопшти дека тој од пријавените кандидати може да оди понатаму во изборот.
Неодамна одредени медиуми повикувајќи се на добро упатени судски извори,објавија дека Чичаковски е личен избор на министерката Рената Десковска.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.