Потпретседателката на Владата на Република Македонија и министерка за одбрана, Радмила Шекеринска на трибината „Фер општество – Шанса за сите“ која денес се одржа во Битола рече дека владата обезбедила членство во НАТО и со голем напор се обезбедува и почеток на преговори со ЕУ.

Таа во своето денешно обраќање пред Битолчани рече дека НАТО не е стратешки успех за Македонија, туку претставувал брза патека за економијата, во земјата и со тоа ќе донесе бенефит, пред се за младите.

Членството ќе ги зголеми и во голем број инвестициите, и ќе обезбеди многу големи услови за отворање на повеќе работни места, а исто така и раст на платите за Македонските граѓани.

Министерката рече дека сакаат да бидат посиромашна влада на побогати граѓани и затоа ќе се фокусираат за подобро платени места во државата.

-Нашата цел беше тоа да го направиме брзо и притоа плаќаме голема цена, но политичката цена треба ја плаќаат политичарите и партиите, а не државата. Напротив, државата треба да профитира. Да се знае дека не може да дојде власта и да очекува аплаузи, туку да очекува и тешки прашања, да не бега од медиумите, да не ги плаши медиумите.

Ние сакаме да бидеме посиромашна Влада на побогати граѓани, и затоа политиката на пораст на платите, на создавање на подобро платени места ќе ни бидат главна политика, и кога ќе работиме за членството во НАТО, и кога лобираме кај земјите членки, нашиот фокус е подобар живот во нашата држава и верувајте, сега кога ја исправивме државата на нозе, ќе бидеме многу поефикасни во испорачувањето на услуги од кои зависи животот на секој граѓанин, изјави министерката.