Шпанија би била подготвена да го признае Косово ако постигне договор со Србија.

Ова го објави бриселскиот портал EU Observer, повикувајќи се на неименувани извори во шпанското Министерство за надворешни работи.

Министерството потсетува дека Шпанија не го признаваше Косово затоа што сметаше дека едностраното прогласување на независност во 2008 година беше „спротивно на владеењето на правото, но веруваше во неизбежноста на договорот меѓу Косово и Србија“, објави ТВ Прва.

Исто така се наведува дека министерствата за надворешни работи на Кипар, Грција, Романија и Словачка не одговориле на прашањето за нивната моментална позиција, но дека, доколку Шпанија се предомисли, другите земји на ЕУ би го следеле нејзиниот пример, во случај да се постигне договор меѓу Србија и Косово.

Да потсетиме, шпанските власти постојано изјавуваа дека се противат на признавање на независноста на Косово, бидејќи таквата одлука може да имплицира на слично сценарио со шпанска Каталонија, каде аспирацијата за отцепување расте со години.