Ужасна семејна трагедија се случи синоќа во местото Мол во Бачка, кога сопругот во момент на растројство и љубомора ја запалил жива својата сопруга.

Како што дознава курир.рс мотив за оваа несреќа најверојатно била љубомора.

До трагедијата дошло кога педесет и осмо годишниот К.Л во момент на растројство ја полил сопругата со бензин и ја запалил, а потоа се обидел да се самоубие.

Тој ја полил сопругата со бензин, но потоа сакал да ја изгаси, но не успеал. Потоа мажот се обидел да се самоубие со 20 дози инсулин, затоа што бил дијабетичар.

К.Л е во критична состојба и лекарите се борат за неговиот живот. Кога полицијата дошла во неговата куќа заедно со итната помош, несреќната жена била почината.

Исто така уште една трагедија се случи вчера во Нови Сад, кога под растројство на љубомора, во стан во Нови Сад, маж ја убил својата сопруга и нејзините родители. Со прострелни рани во главата беа пронајдени мртви таткото, мајката и ќерката – цело семејство.

Без знаци на живот полицијата го пронашла Бранислав Пајлиќ (57), неговата сопруга Нада Пајлиќ (57) и нивната ќерка Мирјана Јанковиќ (32).
Полицијата веднаш станот го блокира за да ги обезбедат доказите од местото на незапамтеното злосторство.

Полицијата во Нови Сад, интензивно го бара монструмот и убиецот кој пред очите на малолетните деца одзеде три животи поради сомнеж дека неговата сопруга го изневерува.