На првиот ден од 2021 година, почина познатиот виолинист Зоран Џорлев. Тој беше еден од најдобрите македонски вионилисти, беше вокален изведувач и професор.

Маестралниот Зоран Џорлев работеше како професор по виолина, а беше и директор на ДМБУЦ Илија Николовски-Луј во Скопје.

Минатата година за порталот Струмица денес, тој зборуваше за неговото детсво, семејство и колку е вљубен во музиката и виолината!

Со сопругата Офелија минатата година прославија 25 години брак.

На прашањето која беше тајната на успешниот брачен однос тој одговори:

Зоран Џорлев: Мојата сопруга, Офелија, да не звучи претерано, е извор на мојата енергија и среќа.

Едноставна жена на која упорноста, работливоста, но и скромноста и се карактерна особина.

Прекрасна мајка на моите две деца. Таа и децата, ја чинат смислата на мојот живот. Нашиот брак се темели на искреност, истрајност, разговор, верност, меѓусебно разбирање и многу љубов.

Од самиот почеток па се до ден денешен, среќата ја градиме на убавите моменти.