Повредени три лица, 66 приведени, од кои 13 уапсени, најмалку три опожарени автомобили, шок бомби и солзавец, употреба на водени топови и голема материјална штета е од судирите што траеја до доцна во ноќта меѓу групи анархисти и полицијата во атинската населба Егзархија.

Пред 10 години беше убиен 15-годишниот Алексис Григоропулос , јави дописничката на МИА од Атина.

Судирите траеја траеја повеќе од три часа, со повреди се здобија двајца полицајци и еден цивил и сите беа пренесени во болница.

Пред да започнат нередите, маскираните лица, веројатно анархисти, на неколку места во атинската населба Егзархија, поставија барикади , меѓу кои и контејнери, сообраќајни знаци и делови од метални конструкции, со цел да го спречат пристапот на полицијата.

Следеа и нападите на анархистите врз полицијата со пиротехнички материјали, на што полицајците одговорија со солзавец, шок бомби и со водени топови.

За состојбата да не излезе од контрола, полицијата ги искористи двете возила со водени топови – едното за да ја урне барикадаta, а второто за да ги растера маскираните лица, но и за да го изгасне огнот предизвикан од молотовите коктели, но и од потпалувањата.

Претходно, во попладневните часови, во сеќавање на убиеното момче се одржа мирен протестен марш во центарот на Атина до грчкиот Парламент.